Cari bölmə: Xəbərlər

2012-2020-ci illərdə Azərbaycan Respublikasında üzümçülüyün inkişafına dair DÖVLƏT PROQRAMI

2012-2020-ci illərdə Azərbaycan Respublikasında üzümçülüyün inkişafına dair

DÖVLƏT PROQRAMI

Üzümçülük və şərabçılıq aqrar-sənaye sahələri arasında xüsusi yer tutmaqla, əlavə dəyər yaradılması və iqtisadi səmərəlilik baxımından ölkə iqtisadiyyatı üçün mühüm əhəmiyyət kəsb edir. Üzüm digər kənd təsərrüfatı məhsulları arasında hər 100 hektar torpaq sahəsi

Azərbaycan Respublikası Prezidentinin

2011-ci il 15 dekabr tarixli Sərəncamı ilə təsdiq edilmişdir

1. Ümumi əsaslar

1.1. Azərbaycanda üzümçülük və şərabçılığın inkişafının mövcud vəziyyəti

Üzümçülük və şərabçılıq aqrar-sənaye sahələri arasında xüsusi yer tutmaqla, əlavə dəyər yaradılması və iqtisadi səmərəlilik baxımından ölkə iqtisadiyyatı üçün mühüm əhəmiyyət kəsb edir. Üzüm digər kənd təsərrüfatı məhsulları arasında hər 100 hektar torpaq sahəsi üzrə yeni yaradılan iş yerlərinin sayına və ümumi məhsul buraxılışına görə ən yüksək göstəriciyə malik olan texniki bitkilərdən biridir. Bununla belə, üzümçülük kənd təsərrüfatı istehsalının ən çox kapital tələb edən sahəsidir.

Vaxtilə Ulu Öndər Heydər Əliyevin bilavasitə təşəbbüsü və rəhbərliyi sayəsində Azərbaycanda üzümçülük sürətlə inkişaf etmişdir. Onun 1969-cu ildə Azərbaycana rəhbərliyə başladığı zaman üzüm istehsalı 272 min ton olduğu halda, sonrakı dövrlərdə görülmüş tədbirlər nəticəsində bu rəqəm 2 milyon tonu ötmüşdür. Bu da, öz növbəsində, aqrar-sənaye kompleksinin inkişafına, kənd əhalisinin həyat səviyyəsinin yüksəlməsinə səbəb olmuşdur.

(more…)

«2012-2020-ci illərdə Azərbaycan Respublikasında üzümçülüyün inkişafına dair Dövlət Proqramı»nın təsdiq edilməsi haqqında

«2012-2020-ci illərdə Azərbaycan Respublikasında üzümçülüyün inkişafına dair Dövlət Proqramı»nın təsdiq edilməsi haqqında

Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 3-cü bəndini rəhbər tutaraq, ölkədə üzümçülüyün inkişaf etdirilməsi, aqrar sahənin gəlirliliyinin və ixracat potensialının artırılması, kənd əhalisinin maddi rifahının yüksəldilməsi məqsədi ilə qərara alıram:

1. “2012-2020-ci illərdə Azərbaycan Respublikasında üzümçülüyün inkişafına dair Dövlət Proqramı” təsdiq edilsin (əlavə olunur).

(more…)

Millət vəkili Elxan Süleymanov hesabat verib

Millət vəkili Elxan Süleymanov hesabat verib. “Azadinform” millət vəkilinin hesabatını təqdim edir. 

Seçici müraciətləri

Şamaxının millət vəkilinin ünvanına 1 il ərzində yüzlərlə müxtəlif xarakterli seçici məktubları, ərizə və şikayətlər  daxil olmuşdur. 2010-cu il noyabr ayının 30-dan 2011-ci il noyabrın 30-dək olan dövr ərzində ümumilikdə 856 yazılı müraciət edilmişdir. Həmin müraciətlərdən 225 müraciət sosial problemlər, 278 müraciət iqtisadi problemlər, 353 müraciət isə maddı yardım istəyi də daxil olmaqla digər problemlərlə əlaqədar olmuşdur.
Təbii ki, seçicilər həm də şifahi müraciətlər etmişlər. Yenə də hesabat dövrü olan 30 noyabr 2010 – 30 noyabr 2011-ci il ərzində 452 şifahi müraciət edilmişdir ki, öz növbəsində həmin müraciətlərin də 98-i sosial problemlər, 165 müraciət iqtisadi problemlər, 189 müraciət isə digər ptoblemlərlə əlaqədar edilmişdir.
Daxil olmuş bütün müraciətlər diqqətlə araşdırılmış və hər biri barədə müvafiq tədbirlər görülmüşdür. Belə ki, 169 ərizə ilə əlaqədar aidiyyəti üzrə müvafiq orqanlara sorğu ilə müraciət olunmuşdur ki, həmin müraciətlərin 15-i hazırda icra olunmaq ərəfəsindədir, qalan 164 müraciət isə aidiyyatı üzrə orqanlardadır və nəticəsi barədə hələlik cavab verilməyib.
Vətəndaşlar tərəfindən edilmiş 156 müraciət hüquq normaları ilə müəyyən edilməyən hallara dair olduğu səbəbindən əsassız sayılmış və bu barədə müraciət etmiş şəxslərə müvafiq izahat verilmişdir.
Qanunvericiliyin təkmilləşdirilməsi ilə bağlı Milli Məclisdə 1 təklif verilmişdir.
Ötən dövr ərzində seçicilər tərəfindən edilmiş 22 müraciət müsbət həll olunmuşdur. Müsbət həllini tapmış problemlər aşağıdakılardır:

(more…)

Millət vəkili Elxan Süleymanov Almaniya Bundestaqının üzvlərinə müraciət edib

   Bakı-APA. Avropa Şurası Parlament Assambıleyasının (AŞPA) Hüquq məsələləri və insan hüquqları komitəsinin üzvü Elxan Süleymanov Almaniya Bundestaqının İnsan Hüquqları və Humanitar Yardım Komitələrinin Azərbaycanda insan hüquqlarının vəziyyətinə dair qəbul etdikləri birgə bəyannamə ilə bağlı Almaniya Bundestaqının üzvlərinə müraciət edib.

 

APA-nın məlumatına görə, müraciətdə deyilir: “Almaniya Bundestaqının İnsan Hüquqları və Humanitar Yardım Komitəsinin Azərbaycandakı məsələlərə dair qəbul etdiyi bəyannamə bizi çox təəssüfləndirir. Belə ki, qəbul edilmiş birgə bəyannamədə Azərbaycanın Avropa Şurası qarşısında öz üzərinə götürdüyü öhdəliklərin yerinə yetirilməsi şübhə altına alınır və biz bu yanlış və səhv ittihamı ən güclü və aydın şərtlərdə təkzib edirik.

 

Azərbaycan bütün öhdəliklərə, eyni zamanda 2002-ci il İnsan Hüquqlarına dair Avropa Konvensiyasının öhdəliklərinə sadiqdir və Münsterdə, Almaniyadakı əyalətdə və ya başqa bir yerdə olmasından asılı olmayaraq, heç bir ölkədə, heç bir yerli siyasətçi ədalətsiz lobbiçiliyə, yanlış iddialara və ya deputat yoldaşlarının qərəzli mövqeyinə nail olmağa səy göstərməyə əsaslanan yerli və ya beynəlxalq auditoriya üçün demaqoq tipli çıxışlarla məşğul olmamalıdır.

(more…)

Azərbaycan deputatları Belçika xarici işlər nazirinə müraciət ediblər

 Millət vəkilləri bu ölkədə fəaliyyət göstərən şirkətin saytında Azərbaycana qarşı təxribat xarakterli məlumatın yerləşdirilməsinə etiraz edirlər

 

Bakı. Kəmalə Quliyeva – APA. Azərbaycan-Belçika Parlamentlərarası əlaqələr üzrə işçi qrupunun rəhbəri, millət vəkili Elxan Süleymanov və Azərbaycan-Belçika Parlamentlərarası əlaqələr üzrə işçi qrupunun üzvü, millət vəkili Azər Kərimli Belçikanın “Betravel” şirkətinin 2012-ci ildə Dağlıq Qarabağa səyahətin təklif edilməsinə dair məlumat yayması ilə bağlı Belçika Krallığının xarici işlər naziri Steven Vanackere, Belçika Krallığının Azərbaycandakı səfiri Lük Truyens, Belçika-Azərbaycan Parlamentlərarası əlaqələr üzrə işçi qrupunun rəhbəri Filip Blanşar və “Betravel” kompaniyasının rəhbərinə müraciət edib.

 

APA-nın məlumatına görə, müraciətdə deyilir: “Bu günlərdə Belçika Krallığında fəaliyyət göstərən “Betravel” kompaniyasının rəsmi internet saytında (http://www.betravel.be/optimum-travel.html) təxribat xarakterli məlumat yerləşdirilib.

(more…)

AŞPA-nın Hüquq Məsələləri və İnsan Hüquqları Komitəsinin Azərbaycandan olan üzvləri Kristof Ştrasserlə bağlı Komitədə təmsil olunan həmkarlarına müraciət ediblər

Ştrasserin məruzəçi mandatından istefa verməsi düzgün olardı”

Bakı – APA. AŞPA Hüquq Məsələləri və İnsan Hüquqları Komitəsinin Azərbaycandan olan üzvləri Elxan Süleymanov, Rəfael Hüseynov və Fazil Mustafa Komitədə təmsil olunan həmkarlarına müraciət ediblər. APA-nın məlumatına görə, müraciətdə deyilir: “AŞPA Hüquq Məsələləri və İnsan Hüquqları Komitəsinin siyasi məhbuslar üzrə məruzəçisi, cənab Kristof Ştrasserin “Azadlıq” qəzetinin 28-29 oktyabr 2011-ci il tarixli saylarında “Ştrasser hakimiyyəti sanksiyalarla hədələdi” başlığı altında müsahibəsi çap edilib. Müsahibədə tək Azərbaycan hakimiyyətinə qarşı deyil, eyni zamanda AŞPA-nın və Hüquq Məsələləri və İnsan hüquqları Komitəsinin üzvlərinə, eləcə də Almaniya Bundestaqının üzvlərinə qarşı ciddi ittihamlar irəli sürülüb.

(more…)

Qafqaz Universitetində Heydər Əliyev haqqında kitabın təqdimatı olub

Qafqaz Universitetində “Heydər Əliyev: Azərbaycanın dövlət müstəqilliyi əbədidir” (türk dilində) kitabının təqdimatı olub. Milli Məclis deputatlarının, tanınmış alimlərin, təhsil işçilərinin, tələbələrin iştirak etdikləri mərasimdə universitetin rektoru, professor Əhməd Saniç ümummilli lider Heydər Əliyevin tarixi xidmətlərini vurğulayıb. Bildirib ki, ümummilli lider haqqında nə qədər kitablar, elmi əsərlər yazılsa da, bu dahi şəxsiyyətin fəaliyyətinin araşdırılması üçün kifayət etmir,.Rektor H.Əliyevin Azərbaycanın müstəqil dövlət quruculuğu yolunda atdığı addımlardan da söz açıb.

(more…)

“Heydər Əliyev: Azərbaycanın dövlət müstəqilliyi əbədidir” kitabının təqdimat mərasimi olub

Bakı-APA. Qafqaz Universitetinin akt zalında Heydər Əliyev İrsini Araşdırma Mərkəzinin yeni nəşri – “Heydər Əliyev: Azərbaycanın dövlət müstəqilliyi əbədidir” kitabının təqdimat mərasimi olub. APA-nın xəbərinə görə, “Heydər Əliyev: Azərbaycanın dövlət müstəqilliyi əbədidir” kitabı Azərbaycan Respublikasının dövlət müstəqilliyinin Türkiyə Respublikası tərəfindən tanınmasının 20 illiyinə həsr edilib. Kitabın türk dilində tam versiyası, ingilis dilində isə bütün sənədlərin qısa məzmunu təqdim olunub.
Kitab Mərkəzin türk dilində təqdim edilən ilk böyük layihəsidir.

(more…)

Şamaxının millət vəkili E.Süleymanovun “Heydər Əliyev: Azərbaycanın dövlət müstəqilliyi əbədidir” kitabının təqdimat mərasimində nitqi

Xanımlar və cənabar!

Hörmətli tədbir iştirakçıları!

Bu gün biz buraya Heydər Əliyev İrsini Araşdırma Mərkəzinin türk dilində nəşr etdirdiyi “Heydər Əliyev: Azərbaycanın dövlət müstəqilliyi əbədidir” kitabının təqdimat mərasiminə yığışmışıq.

Bildiyiniz kimi, Heydər Əliyev Azərbaycan Kommunist Partiyası Mərkəzi Komitəsinin birici katibi vəzifəsinə 1969-cu ilin iyul ayında seçilmişdir. O vaxt mənim 28 yaşım var idi. Bakının ən qocaman mədəniyyət saraylarından birinə rəhbərlik edirdim. Təvazökarlıqdan uzaq da olsa, təhsil aldığım və işlədiyim kollektivlərdə görkəmli ziyalıların təcrübəsindən bəhrələnib az-çox dərk etmək qabiliyyətinə malik idim və 1969-cu ildən indiyədək Heydər Əliyevin keçdiyi həyat yolu və əmək fəaliyyətini öyrənməyə cəhd göstərmişəm.

Bir neçə faktı sadalamaq istərdim. O, hakimiyyətə gələrkən Azərbaycan, xüsusilə də regionlar çox zəif iqtisadi inkişaf dövründə idi. Həyatımızın bütün sahələri çox zəif görünürdü. Təkcə bunu demək kifayətdir ki, 1969-cu ildə Azərbaycan 130-150 min ton üzüm, 250 min ton pambıq yetişdirib təhvil verirdi. Bir neçə ildən sonra bu rəqəm – üzüm təhvili 2 milyon tona, pambıq təhvili isə 1 milyon tona çatdırıldı. Qabaqcıl kolxozçuların aylıq əmək haqları 300-350 manatadək çatırdı. Təsəvvür edin ki, o vaxtkı dolların kursu ilə bu 1750 manat demək idi. Dağlıq regionlarda 5-10 evi olan kəndlər də qaz, işıq və su ilə təmin olunmuşdu. Bütün kəndlərimizdə klublar, kitabxanalar, feldşer və mama məntəqələri fəaliyyət göstərirdi. Heydər Əliyev Brejnevdən, SSR-nin büdcəsindən Azərbaycanın kənd təsərrüfatının inkişafı üçün faizsiz aldığı dotasiya hesabına bütün kənd və rayonları ən yüksək səviyyəyə qaldırmışdı. Son illərin şahidi isə siz özünüz olmusunuz. Müstəqillik dövründə hakimiyyətə gəldikdən sonra hər şeyi dağıdılmış ölkəmizdə qısa müddətdə bütün sahləri bərpa etdi. Heydər Əliyev müstəqilliyimizin həm memarı, həm də inşaatçısı oldu. H. Əliyev çox vətənpərvər idi, xalqını çox sevirdi. Vaxtınızı çox almamaq üçün bir misal çəkmək istərdim.

(more…)

Qafqaz Universitetində “Heydər Əliyev: Azərbaycanın dövlət müstəqilliyi əbədidir” kitabının təqdimatı olmuşdur

Bakı, 11 noyabr (AzərTAc). Qafqaz Universitetində “Heydər Əliyev: Azərbaycanın dövlət müstəqilliyi əbədidir” (türk dilində) kitabının təqdimatı olmuşdur.AzərTAc xəbər verir ki, Milli Məclis deputatlarının, tanınmış alimlərin, təhsil işçilərinin, tələbələrin iştirak etdikləri mərasimdə universitetin rektoru, professor Əhməd Saniç ümummilli lider Heydər Əliyevin tarixi xidmətlərini vurğulamışdır.

(more…)