Şamaxının Millət Vəkili Elxan Süleymanovun təşəbbüsü ilə Şamaxı kəndlərinin işməli su problemi həll olunur
23 aprel 2012-ci il tarixindən Şamaxının Millət Vəkili Elxan Süleymanovun təşəbbüsü və təşkilatçılığı ilə Şamaxının içməli su problemi olan kəndlərinə su çəkilməsinə başlanılıb.
Şamaxının Millət Vəkilinin səlahiyyətli nümayəndəsi Dəyanət Musayev su çəkilişi üzrə mütəxəssislərlə birgə Şamaxının ilk içməli su xətləri çəkiləcəyi Adnalı və Nüydü kəndlərində olmuş, kəndin su mənbə və hövzələrinə baxış keçirilmişdir. Yeni inşa olunacaq bulaqların yeri müəyyən edilmişdir.
Bu kəndlərdə içməli su xətlərinin istismar müddəti bitdiyinə görə borular sıradan çıxmış və kəndlərdə içməli su problemi yaranmışdır. Həmin problemi aradan qaldırmaq üçün Şamaxının Millət Vəkili Elxan Süleymanov su xətlərinin yenisi ilə əvəz olunmasını öz öhdəsinə götürmüşdür. İşlərin qısa müddətdə başa çatması və kəndlərin içməli su ilə təmin olunması nəzərdə tutulur.
