Şamaxının millət vəkili Elxan Süleymanovun seçicilərə təbriki
Əziz seçicim!
Yeni – 2013-cü ilin astanasındayıq. Hər birimiz yeni ili səbirsizliklə gözləyir, yeni arzu və xəyallarımızın gerçəkləşməsini arzulayırıq. Yeni il ərəfəsində hər kəs ötən ilə yekun vurur, yeni planlar qurur.
Ötən il yaddaşımızda nailiyyət və uğurlar ili kimi də qaldı. Düşünürəm ki, hər bir şamaxılı Şamaxı rayonunun inkişafı və çiçəklənməsi üçün töhfəsini verdi. Deyə bilərəm ki, həm yaxşı günlərdə, həm də ağır dəqiqələrdə Sizinlə bir yerdə olmağa çalışdım. Sizinlə birlikdə sevindim və kədərləndim.
Yeni – 2013-cü il və Dünya Azərbaycanlılarının Həmrəylik günü münasibətilə Sizi ürəkdən təbrik edirəm.
Qoy bu Yeni il Şamaxının tarixinə parlaq səhifələr yazsın, evinizə uğur, bərəkət, səadət və cansağlığı gətirsin!
Hörmətlə,
Şamaxının millət vəkili Elxan Süleymanov
