Şamaxı və Konstantinuv-Lodski şəhərləri qardaşlaşır
Millət vəkili, Avronest Parlament Assambleyasında Azərbaycan nümayəndə heyətinin rəhbəri Elxan Süleymanovun təşəbbüsü ilə Polşada olan nümayəndə heyətinin səfəri davam edir. “Azadinform”un məlumatına görə, səfərin dördüncü günü Lodz voyevodalığında görüşlər keçirilib.
Millət vəkili, Avronest Parlament Assambleyasında Azərbaycan nümayəndə heyətinin rəhbəri Elxan Süleymanovun təşəbbüsü ilə Polşada olan nümayəndə heyətinin səfəri davam edir. “Azadinform”un məlumatına görə, səfərin dördüncü günü Lodz voyevodalığında görüşlər keçirilib.
Konstantinuv-Lodski şəhərində mer azərbaycanlı qonaqlarla görüşüb. Görüşdə Elxan Süleymanov Azərbaycan-Polşa münasibətlərindən söhbət açıb, 1858-ci ildə Şamaxıda anadan olmuş polyak əsilli memar Yevgeni Skibinskinin Bakıda layihələndirdiyi binalardan danışıb. Və memarın anadan olduğu Şamaxı şəhərində abidəsinin qoyulacağını bildirərək, tanınmış Azərbaycan heykəltəraşı Natiq Əliyev tərəfindən hazırlanacaq heykəlin maketini merə təqdim edib.
Görüşün sonunda Şamaxı ilə Konstantinuv-Lodski şəhərlərinin qardaşlaşması ilə əlaqədar niyyət protokolu imzalanıb.
Qeyd edək ki, görüşdə Şamaxı rayon icra hakimiyyəti başçısı Asif Məmmədov da iştirak edib.
