“Şamaxı qırmızı terrorun hədəfində (1930-40-cı illər repressiyaları)” kitabı çap olundu
Şamaxının millət vəkili Elxan Süleymanovun təşəbbüsü ilə 2011-ci ildən başlayaraq Şamaxının 20-ci əsr tarixinin araşdırılması ilə bağlı layihəyə start verilib. Publika.Az-a verilən məlumata görə ötən il bu layihə çərçivəsində “Azərbaycanda erməni vəhşiliyi – Şamaxı soyqırımı (1918-ci il)” adlı beynəlxalq konfransı keçirilib, Azərbaycan və ingilis dillərində “Şamaxı soyqırımı – 1918-ci il” kitabı nəşr edilib.
Bu günlərdə çapdan çıxan “Şamaxı qırmızı terrorun hədəfində (1930-40-cı illər repressiyaları)” kitabı da həmin layihənin tərkib hissəsidir. Elxan Süleymanov, Məhərrəm Zülfüqarlı və Dəyanət Musayevin müəllifliyi ilə Azərbaycan və ingilis dillərində nəşr olunan kitabda 1930-40-cı illərdə sovet hökumətinin Şamaxıda həyata keçirdiyi repressiyalardan, xüsusilə Təklə faciəsi və “Şamaxı prosesi”ndən ətraflı bəhs olunur. Kitabda həmçinin, sovet repressiya aparatının qurbanı olmuş şamaxılılar haqqında geniş məlumat verilib.
