“Sərsəng harayı” adlı müsabiqə elan edildi
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Sərsəng su anbarında mümkün humanitar faciənin qarşısının alınmasına yönələn layihə çərçivəsində gənc rəssamlar arasında “Sərsəng harayı” adlı müsabiqə elan edib. Müsabiqədə 18-35 yaşlarında rəssamlar iştirak edə bilərlər.
Yağlı boya ilə çəkilmiş əsərlərin arxasında rəssamın adı və soyadı, mobil telefon nömrəsi, elektron ünvanı və əsərin adı göstərilməlidir. Müsabiqənin mükafatlandırma fondunda: I yer – 1 000 manat, II yer – 750 manat, III yer – 500 manat. Hər birinin məbləği 250 manat olmaqla 5 həvəsləndirici mükafat nəzərdə tutulub. Əsərlər 1-15 fevral 2014-cü ildə qəbul ediləcək. Bu barədə əlavə məlumat avciya.az və sarsang.org saytlarında yerləşdiriləcək. Sərgi 2014-cü ilin fevralında Tərtər şəhərində keçiriləcək.
