Şamaxıda növbəti hüquqi yardım günü keçirildi
16 yanvar 2012-ci il tarixində millət vəkili Elxan Süleymanovun təşəbbüsü ilə Şamaxı sakinlərinə hüquqi yardım günü keçirilmişdir. Hüquqşünas qrupu ilə görüşə 15-ə yaxın vətəndaş gəlmişdi. Vətəndaşların bir qisminə hüquqi məsləhətlər verilmiş, bir çoxlarının şikayət ərizələri qəbul edilmişdir. Müraciətlər əsasən rayonda torpaq mübahisələri, qaz və su təchizatı, məhkəmə qərarlarının icrası ilə bağlı olmuşdur. Bundan başqa vətəndaşlar bir çox qurumlarda onların müraciətlərinə baxılmaması, ərizə və şikayətlərinə cavab verilməməsi ilə bağlı haqlı narazılıqlarını bildirmişlər. Bəzi vətəndaşlara yerində hüquqi yardım göstərilsədə, bir sıra məsələrlə bağlı aidiyyəti orqanlara deputat sorğusu ilə müraciət etmək qərarı verildi.
