SalamNews İA AVCİYA və SAMF tərəfindən diplomla təltif edilib
Şamaxının millət vəkili Elxan Süleymanovun təşəbbüsü, Söz Azadlığını Müdafiə Fondu (SAMF) və Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) birgə təşkilatçılğı ilə keçirilən M.Ə.Sabir yaradıcılığına həsr olunmuş bədii qiraət müsabiqələrinin (2011-2013-cü illər) qaliblərinin hesabat çıxışlarına həsr olunan mərasim keçirilib.
SalamNews-un xəbərinə görə, mərasimdə çıxış edənlər bildiriblər ki, M.Ə.Sabir yaradıcılığına həsr olunmuş bədii qiraət müsabiqələri Şamaxıdan millət vəkili Elxan Süleymanovun təşəbbüsü ilə 2011-ci ildən etibarən keçirilir. Bu günədən tanınmış ziyalıların qatıldığı münsiflər heyyətinin qərarı ilə üç il ərzində 29 nəfər qalib seçilib. 2011-ci ildə 69 nəfər, 2012-ci ildə 82 nəfər, 2013-cü ildə isə 196 nəfər final turunda iştirak edib.Bu gün yeniyetmə və gənclərimizdə ədəbiyyata olan marağın artmasında bu tipli müsabiqələrin təşkili xüsusi önəm kəsb edir.
Qaliblərin yetişməsində ədəbiyyat müəllimlərinin müstəsna xidmətləri olduğunu nəzərə alaraq 2013-cü ilin yekun təqdimatında çoxsaylı qalibləri olan müəllimlər xüsusi diplomlarla təltif edilib.
Mərasimdə həmçinin Milli Məclisin deputatları Fazil Mustafa, Qüdrət Həsənquliyev, SAMF sədri Musa Yaqub və digərləri çıxış edərək M.Ə.Sabir yaradıcılığına həsr olunmuş bədii qiraət müsabiqəsi ilə bağlı fikirlərini bölüşüblər.
Sonda M.Ə.Sabir yaradıcılığına həsr olunmuş bədii qiraət müsabiqəsi ilə bağlı göstərdiyi informasiya dəstəyinə görə, SalamNews İnformasiya Agentliyi diploma layiq görülüb. Diplomu millət vəkili Elxan Süleymanov agentliyin direktoru Rəna Əkbərovaya təqdim edib.
E.Süleymanov bildirib ki, bu müddət ərzində SalamNews İnformasiya Agentliyi M.Ə.Sabir yaradıcılığına böyük yer ayılıb. Eləcə də mənim Şamaxı regionun da apardığım ictimai fəaliyyət agentlik tərəfindən mütamadi, operativ işiqlandılırb. Bu informasiyalar adətən fotolarla müşaiyuət olunub.
Mərasimdə həmçinin “publika.az” saytı və “Azadinform” agentliyi də göstərdiyi informasiya dəstəyinə görə, diploma layiq görülüblər.
