Səməd Seyidovun rəhbərlik etdiyi nümayəndə heyəti Strasburqa gedir
Oktyabrın 1-dən 5-dək Strasburqda Avropa Şurası Parlament Assambleyasının payız sessiyası keçiriləcək.
Milli Məclisin mətbuat xidmətindən APA-ya verilən məlumata görə, sessiyada Azərbaycan parlamentinin Beynəlxalq münasibətlər və parlamentlərarası əlaqələr komitəsinin sədri, ölkənin təşkilatdakı daimi nümayəndə heyətinin rəhbəri Səməd Seyidovun başçılıq etdiyi deputat qrupu iştirak edəcək.
Oktyabrın 1-dən 5-dək Strasburqda Avropa Şurası Parlament Assambleyasının payız sessiyası keçiriləcək.
Milli Məclisin mətbuat xidmətindən APA-ya verilən məlumata görə, sessiyada Azərbaycan parlamentinin Beynəlxalq münasibətlər və parlamentlərarası əlaqələr komitəsinin sədri, ölkənin təşkilatdakı daimi nümayəndə heyətinin rəhbəri Səməd Seyidovun başçılıq etdiyi deputat qrupu iştirak edəcək.
Nümayəndə heyətinin tərkibinə deputatlardan Elxan Süleymanov, Sevinc Fətəliyeva, Qənirə Paşayeva, Sahibə Qafarova, Rafael Hüseynov, Sabir Hacıyev, Rövşən Rzayev, Aydın Abbasov və Fazil Mustafa daxildirlər.
İclaslarda Rusiyanın təşkilat qarşısında götürdüyü vəzifə və öhdəliklərin yerinə yetirilməsi, siyasi partiyalarda qadınların təmsilçiliyi, siyasi məhbus anlayışı və digər mövzularda fikir mübadiləsi aparılacaq.
Sessiyada Rafael Hüseynovun “Avropa ali təhsil məkanında beynəlxalq şəffaflığın qorunması” mövzusunda məruzəsi dinləniləcək, məruzə ətrafında müzakirələr aparılacaq.
Səfər çərçivəsində Rafael Hüseynov, Rövşən Rzayev və Sabir Hacıyev Strasburqda keçiriləcək Demokratiya Forumunda da iştirak edəcəklər.
