Millət vəkili Elxan Süleymanov şagirdləri təbrik etdi
Yeni dərs ilinin ilk günü Şamaxının millət vəkili Elxan Süleymanovun səlahiyyətli nümayəndəsi Dəyanət Musayev, Qərargahın bir qrup əməkdaşı ilə birgə, Şamaxı rayonunun Y.Məmmədəliyev adına qəsəbə, eləcə də Məlhəm, Əngəxaran, Avaxıl və Mərzəndiyyə kənd tam orta məktəblərinin tədbirlərində iştirak ediblər
Qərargahdan BayMedia-ya verilən xəbərə görə, onlar Elxan Süleymanovun adından birinciləri təbrik edib, onlara məktəb ləvazimatlarından ibarət hədiyyələrini çatdırıblar. Tədris ilinin ilk günündə həm də Məlhəm kənd tam orta məktəbinin 2 qapısı (darvaza və binanın giriş qapısı) və pilləkanı Elxan Süleymanovun təşəbbüsü və dəstəyi ilə təmir edilərək məktəblilərin istifadəsinə verilib.
