M.Ə.Sabirin yaradıcılığına həsr olunmuş II Bədii Qiraət müsabiqəsinə yekun vurulub
17 may 2012-ci il
Azərbaycanda Vətəndaş Cəmiyətinin İnkişafına Yardım Assosiasiyasından (AVCİYA) SalamNews-a bildirilib ki, xalq artisti Tofiq İsmyılovun sədrliyi ilə təşkil edilən münsiflər heyətinə tanınmış şair Musa Yaqub, professoor Nadir İsmayılov, əməkdar artist Ağalar Bayramov və başqaları daxildir. Tədbirin birinci günü finalçıların çıxışları iki mərhələdə dinləniləcək. İkinci gün isə M.Ə.Sabir Günləri çərçivəsində deputat Elxan Süleymanovun təşəbbüsü və dəstəyi nəşr olunan “Mirzə Ələkbər Sabir: həyatı və sənəti” monoqrafiyası, mərhum akademik Bəkir Nəbiyevin son tədqiqatı “Şamaxı torpağının böyük Azərbaycan şairləri” kitabı, habelə, AVCİYA və Söz Azadlığını Müdafiqə Fondunun (SAMF) təşkilatçılığı ilə nəşr edilən “M.Ə.Sabir haqqında tədqiqlər” kitabının təqdimatı keçirilib. Tədbirin ikinci hissəsində isə Bədii Qiraət Müsabiqəsinin qalibləri elan olunub.
Müsabiqənin təşkilində əsas məqsəd gənclər arasında M.Ə.Sabir yaradıcılığının təbliği, şairin yaradıcılığının tədris prosessində tətbiqinə metodiki dəstək vermək, fəal şagird və tələbələri üzə çıxararaq həvəsləndirməkdir.
