Ketrin Eşton: “Xocalı aeroportunun istifadəyə verilməsi gərginliyi artıracaq“
Azərbaycanın Dağlıq Qarabağ regionu və ətraf 7 rayon daxil olmaqla 20% ərazisini işğal altında saxlayan Ermənistanın və onun formalaşdırdığı qondarma “Dağlıq Qarabağ Respublikası” separatçı rejimin qanunsuz olaraq Xocalı aeroportunu istismara verdikləri və yaxın zamanlarda bu aeroportdan uçuşlara başlanılacağı barədə məlumatları Avropa parlamentarilərində ciddi narahatçılıq doğurub. Odur ki, Avropa Parlamentinin bir qrup deputatı Xocalı aeroportunun istifadəyə verilməsi ilə əlaqədar olaraq Avropa İttifaqının Xarici Əlaqələr üzrə Ali Nümayəndəsi xanım Ketrin Eştona sorğu ilə müraciət etmişdi. Xanım Ketrin Eşton 18 fevral 2013-cü il tarixdə parlamentarilərin sorğusunu cavablandırıb və məsələyə rəsmi münasibət bildirib.
Azərbaycanın Dağlıq Qarabağ regionu və ətraf 7 rayon daxil olmaqla 20% ərazisini işğal altında saxlayan Ermənistanın və onun formalaşdırdığı qondarma “Dağlıq Qarabağ Respublikası” separatçı rejimin qanunsuz olaraq Xocalı aeroportunu istismara verdikləri və yaxın zamanlarda bu aeroportdan uçuşlara başlanılacağı barədə məlumatları Avropa parlamentarilərində ciddi narahatçılıq doğurub. Odur ki, Avropa Parlamentinin bir qrup deputatı Xocalı aeroportunun istifadəyə verilməsi ilə əlaqədar olaraq Avropa İttifaqının Xarici Əlaqələr üzrə Ali Nümayəndəsi xanım Ketrin Eştona sorğu ilə müraciət etmişdi. Xanım Ketrin Eşton 18 fevral 2013-cü il tarixdə parlamentarilərin sorğusunu cavablandırıb və məsələyə rəsmi münasibət bildirib.
Teleqraf.com-un məlumatına görə, bu barədə Şamaxının Millət vəkili, Avronest PA-da Azərbaycan nümayəndə heyətinin rəhbəri Elxan Süleymanov məlumat verib.
Elxan Süleymanovun sözlərinə görə, xanım Ketrin Eşton ATƏT-in Minsk Qrupu həmsədrlərinin Xocalı aeroportunun istifadəyə verilməsinin gərginliyi artıracağı ilə bağlı narahatlığını ifadə edən 2011-ci il aprel və 2012-ci il iyul bəyanatını tam dəstəklədiyini bildirib. O, uçuşların həyata keçirilməsinin sülh prosesinə kömək etməyəcəyini və Aİ-nin tərəfləri diplomatik həll yolu tapmağa çağırdığını diqqətə çatdırıb. Ali Nümayəndə eyni zamanda tərəflərdən mülki təyyarəyə qarşı hər hansı təhdid və ya gücdən istifadədən imtina etmək, məsələni diplomatik addımlarla həll etmək və siyasiləşdirməkdən çəkinmək barədə Minsk Qrupu həmsədrlərinə verdikləri təminatlarına hörmət və riayət etmələrini gözlədiklərini bildirib.
Ali Nümayəndə eyni zamanda həmsədrlərin beynəlxalq hüquqa müvafiq və öz ərazisi üzərində uçuşlar üçün cari təcrübəyə uyğun hərəkət etmək barədə tərəflərə etdiyi qəti müraciətini vurğulayıb və bu aeroportun istifadəyə verilməsinin Dağlıq Qarabağın Madrid prinsiplərinə müvafiq olaraq müəyyənləşdiriləcək statusunda hər hansı dəyişiklik iddiasını dəstəkləmək üçün istifadə edilə bilməyəcəyini yenidən vurğulayıb.
Ali Nümayəndə bildirib ki, Aİ-nin qeyd edilmiş ismarışları son yüksək səviyyəli diplomatik əlaqələrdə, Aİ-nın 2012-ci ilin dekabrında Brüsseldə Ermənistan və Azərbaycanla keçirdiyi Əməkdaşlıq Şuralarının iclaslarında, həmçinin regiona yüksək səviyyəli səfərlər zamanı hər iki tərəfə təkrarən çatdırılıb. Aİ tərəfləri həm hərəkətlərində, həm də sözlərində təmkinli olmağa səsləyib. Aİ-nin bu ismarışları Yeni İl ərəfəsində növbəti gərginliyin qarşısını almağa töhfə verib və uçuşlar baş tutmayıb. Xanım Eşton Aİ-nin ATƏT-in Minsk Qrupunun regionda gərginliyin kəskinləşməsinin qarşısını almaq və münaqişəni dinc yolla həll etmək istiqamətindəki səylərini dəstəklədiyini bir daha diqqətə çatdırıb.
