BELÇİKA PARLAMENTİNİN ÜZVLƏRİ AZƏRBAYCANDA
Belçika parlamentinin üzvləri Filip Blanşar, David Geerts, Olivier Henri, Willem-Frederik Schiltz və Fəxri Senator Stef Goris Bakıda səfərdədirlər. Nümayəndə heyətinə Belçika parlamentinin üzvü, Azərbaycan-Belçika parlamentlərarası dostluq qrupunun sədri Filip Blanşar rəhbərlik edir.
Səfər millət vəkili, Avropa Şurasının Parlament Assambleyasında Azərbaycan nümayəndə heyətinin üzvü, “EURONEST” Parlament Assambleyasında Azərbaycan nümayəndə heyətinin rəhbəri, Parlament Assambleyası Sədrinin müavini və büro üzvü, Azərbaycan-Belçika parlamentlərarası əlaqələr üzrə işçi qrupunun rəhbəri Elxan Süleymanovun dəvəti ilə baş tutub.
AVCİYA-nın prezidenti, Millət vəkili Elxan Süleymanovun çıxışı
Hörmətli sədr,
Hörmətli konfrans iştirakçıları,
Xanımlar və cənablar,
Sizi Azərbaycanda Vətəndaş Cəmiyyətinin İnkişafına Yardım Assosiasiyası və konfransın digər təşkilatçıları adından Azərbaycanın paytaxtı Bakı şəhərində xoş gəlmişsiniz deyirəm və Azərbaycan qonaqpərvərliyi ilə salamlamaqdan məmnunluq duyuram. (more…)
Bakıda “Siyasi məhbus anlayışının vahid tərifinin qəbul edilməsi zərurəti” mövzusunda beynəlxalq konfrans keçirildi
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA), “İnsan hüquqları 21-ci əsr Azərbaycan Fondu”, İnsan hüquqlarına dair beynəlxalq standartların təsbiti üzrə birgə işçi qrupu, Məhbusların Reinteqrasiya Assosiasiyası və Azərbaycan Ədliyyə Nazirliyinin dəstəyi ilə “Siyasi məhbus anlayışının vahid tərifinin qəbul edilməsi zərurəti” mövzusunda beynəlxalq konfrans keçirdilər. (more…)
Şamaxıda Sabirə həsr olunan bədii qiraət müsabiqəsi başa çatıb
Şamaxı şəhərində Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) və Söz Azadlığını Müdafiə Fondunun (SAMF) təşkilatçılığı ilə Mirzə Ələkbər Sabirin yaradıcılığına həsr olunan tədbir keçirilib. SAMF-ın sədri, şair Musa Yaqub M.Ə.Sabirin Azərbaycan ədəbiyyatında tutduğu yerdən, onun yaradıcılığının daim diqqət mərkəzində olmasından danışaraq bu işdə vətəndaş cəmiyyəti təmsilçilərinin də xüsusi rolu olduğunu qeyd edib. O, AVCIYA-nın rəhbəri, Şamaxının millət vəkili Elxan Süleymanovun təşəbbüsü və dəstəyi ilə Əfzələddin Xaqaninin Məlhəm kəndindəki abidəsinin və M.Ə.Sabirin müəllimi Seyid Əzim Şirvaninin qəbirüstü abidəsinin bərpa edildiyini, Şamaxı Humanitar Kollecinin və Azərbaycan Müəllimlər İnstitutunun Şamaxı filialının tələbələrinə Xaqani və Şirvani adına təqaüdlərin təsis edildiyini bildirib: “Eyni zamanda hər iki qurumun təşkilatçılığı ilə Şamaxıda M.Ə Sabir yaradıcılığına həsr olunan bədii qiraət müsabiqəsi keçirilib. Bu ilin martından start götürən müsabiqə mayın 24-də sona çatıb. Şamaxıda Sabir günlərinə həsr olunmuş tədbir keçirilib
Elxan Süleymanov: “Ümumrespublika bədii qiraət müsabiqəsinə start verilib”
Şamaxıda Sabir qiraət müsabiqəsi
Böyük Azərbaycan şairi Mirzə Ələkbər Sabirin doğulduğu Şamaxıda onun yaradıcılığına həsr olunmuş bədii qiraət müsabiqəsi başa çatmışdır. Azərbaycanda Vətəndaş Cəmiyyətinin İnkişafına Yardım Assosiasiyasının və Söz Azadlığını Müdafiə Fondunun bu ilin martında elan etdiyi müsabiqə rayonun təhsil ocaqlarını əhatə etmiş, minlərlə Sabirsevər yarışmanın iştirakçısı olmuşdur.AVCIYA VƏ SAMF ŞAMAXIDA SABİR GÜNLƏRİNƏ HƏSR OLUNMUŞ TƏDBİR KEÇİRİB
Şamaxıda Mirzə Ələkbər Sabir günlərinə həsr olunmuş tədbir keçirilib
Bakı-APA. 26 May 2011
Şamaxıda Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) və Söz Azadlığını Müdafiə Fondunun (SAMF) təşkilatçılığı ilə böyük Azərbaycan şairi Mirzə Ələkbər Sabirin yaradıcılığına həsr olunmuş tədbir keçirilib. AVCİYA-dan APA-ya verilən məlumata görə, tədbiri SAMF sədri Musa Yaqub açaraq Mirzə Ələkbər Sabirin Azərbaycan ədəbiyyatında tutduğu yerdən danışıb. M. Yaqub AVCİYA və SAMF-nin gördüyü işlər haqqında məlumat verib. M. Yaqub AVCİYA rəhbəri, Şamaxıdan seçilmiş millət vəkili Elxan Süleymanovun təşəbbüsü və dəstəyi ilə Əfzələddin Xaqaninin Məlhəm kəndindəki abidəsinin və M. Ə. Sabirin müəllimi Seyid Əzim Şirvaninin qəbirüstü abidəsinin bərpa edildiyini, Şamaxı Humanitar kollecin və Azərbaycan Müəllimlər İnstitutunun Şamaxı filialının tələbələrinə Xaqani və Şirvani adına təqaüdlərin təsis edildiyini bildirib. SAMF sədri bildirib ki, hər iki təşkilatın təşkilatçılığı ilə Şamaxıda M.Ə Sabir yaradıcılığına həsr olunmuş bədii qiraət müsabiqəsi keçirilib. Müsabiqə mayın 24-də sona çatıb. Müsabiqədə Şamaxı rayonunda təhsil alan şagird və tələbələr iştirak edərək bacarıqlarını nümayiş etdiriblər. M. Yaqub Sabir yaradıcılığına böyük qiymət verərək belə müsabiqələrin ənənəvi olaraq keçiriləcəyini iştirakçıların diqqətinə çatdırıb.
M.Ə. Sabir günləri davam edəcək
M.Ə.Sabirin yaradıcılığına həsr olunmuş müsabiqənin qalibləri mükafatlandırılmışlar (25.05.2011)
Məlum olduğu kimi, 25 may 2011-ci ildə Şamaxıda Azərbaycanda Vətəndaş Cəmiyyətinin İnkişafına Yardım Assosiasiyasının və Söz Azadlığını Müdafiə Fondunun təşkilatçılığı ilə M.Ə.Sabirin yaradıcılığına həsr olunmuş tədbir keçirilmişdir. Tədbirdə M.Ə.Sabir yaradıcılığına yenidən müraciət olunmuş, ziyalılar tərəfindən Sabir yaradıcılığının ədibiyyatşünaslıqda rolu və yeri haqqında çıxışlar edilmiş, şagird, tələbə və bədii qiraət ustaları tərəfindən şairin şerləri oxunmuş, AVCİYA-nın prezidenti, Şamaxının millət vəkili Elxan Süleymanov tərəfindən müsabiqənin qalibləri mükafatlandırılmış, onlara təhsillərində uğurlar arzulanmışdır.
