Azərbaycanın Şamaxı və Polşanın Konstantinuv-Lodski şəhərləri qardaşlaşır
Milli Məclisin deputatı, Avronest Parlament Assambleyasında Azərbaycan nümayəndə heyətinin rəhbəri Elxan Süleymanovun təşəbbüsü ilə Polşada səfərdə olan nümayəndə heyəti səfərin dördüncü günü Lodz Voyevodalığında görüşlər keçirmişdir.
AzərTAc xəbər verir ki, Konstantinuv-Lodski şəhərində keçirilən görüşdə deputat Elxan Süleymanov və Şamaxı Rayon İcra Hakimiyyətinin başçısı Asif Məmmədov şəhər merinə ölkəmiz, o cümlədən qədim Şamaxının tarixi haqqında məlumat vermişlər.
Milli Məclisin deputatı, Avronest Parlament Assambleyasında Azərbaycan nümayəndə heyətinin rəhbəri Elxan Süleymanovun təşəbbüsü ilə Polşada səfərdə olan nümayəndə heyəti səfərin dördüncü günü Lodz Voyevodalığında görüşlər keçirmişdir.
AzərTAc xəbər verir ki, Konstantinuv-Lodski şəhərində keçirilən görüşdə deputat Elxan Süleymanov və Şamaxı Rayon İcra Hakimiyyətinin başçısı Asif Məmmədov şəhər merinə ölkəmiz, o cümlədən qədim Şamaxının tarixi haqqında məlumat vermişlər.
Azərbaycan-Polşa münasibətlərindən söhbət açan E.Süleymanov 1858-ci ildə Şamaxıda anadan olmuş polyak əsilli memar Yevgeni Skibinskinin Bakıda layihələndirdiyi binalardan danışmışdır. Şamaxı şəhərində memarın abidəsinin ucaldılacağını bildirən deputat tanınmış Azərbaycan heykəltəraşı Natiq Əliyev tərəfindən hazırlanacaq heykəlin maketini merə təqdim etmişdir.
Görüşün sonunda Şamaxı ilə Konstantinuv-Lodski şəhərlərinin qardaşlaşması ilə bağlı niyyət protokolu imzalanmışdır.
