Azərbaycan nümayəndə heyətinin Polşaya səfərinin yekunlarıyla bağlı mətbuat konfransı keçirilib
Bu il yanvarın 30-dan fevralın 3-dək Avronest Parlament Assambleyasında Azərbaycan nümayəndə heyətinin rəhbəri Elxan Süleymanovun təşəbbüsü ilə heyət üzvlərinin Polşaya səfərinin yekunlarıyla bağlı mətbuat konfransı keçirilib.
Şamaxının millət vəkili Elxan Süleymanov bildirib ki, ümumilikdə Polşaya rəsmi səfər çərçivəsində 9 görüş keçirilib. Nümayəndə heyətinin üzvləri həmçinin Polşanın 8 universitetində görüşlərdə iştirak ediblər. Görüşün məntiqi yekunu olaraq, Azərbaycan tərəfi ilə Polşa ali məktəbləri arasında əməkdaşlıq sazişi imzalanıb.
Bu il yanvarın 30-dan fevralın 3-dək Avronest Parlament Assambleyasında Azərbaycan nümayəndə heyətinin rəhbəri Elxan Süleymanovun təşəbbüsü ilə heyət üzvlərinin Polşaya səfərinin yekunlarıyla bağlı mətbuat konfransı keçirilib.
Şamaxının millət vəkili Elxan Süleymanov bildirib ki, ümumilikdə Polşaya rəsmi səfər çərçivəsində 9 görüş keçirilib. Nümayəndə heyətinin üzvləri həmçinin Polşanın 8 universitetində görüşlərdə iştirak ediblər. Görüşün məntiqi yekunu olaraq, Azərbaycan tərəfi ilə Polşa ali məktəbləri arasında əməkdaşlıq sazişi imzalanıb.
Ümumiyyətlə, dostluq və qarşılıqlı anlaşma şəraitində keçməklə yanaşı, Azərbaycan-Polşa münasibətlərinin inkişafına təkan verəcək olan bu səfər zamanı 10 rəsmi sənəd imzalanıb.
Xatırladaq ki, nümayəndə heyətində Şamaxının millət vəkili Elxan Süleymanov, Sənaye və Energetika naziri Natiq Əliyev, Təhsil naziri Misir Mərdanov, Azərbaycan Dövlət Dillər Universitetinin rektoru, millət vəkili Səməd Seyidov, Bakı Dövlət Universitetinin rektoru, millət vəkili Abel Məhərrəmov, Azərbaycan Memarlıq və İnşaat Universitetinin rektoru, millət vəkili Gülçöhrə Məmmədova, millət vəkili Qüdrət Həsənquliyev, millət vəkili Fərəc Quliyev, millət vəkili Fazil Mustafa, millət vəkili Ceyhun Osmanlı təmsil olunublar.
