Avropa Parlamentinin deputatları Azərbaycanda səfərdədirlər

Millət vəkili, Avronest PA-da Azərbaycan nümayəndə heyətinin rəhbəri Elxan Süleymanovun dəvəti ilə Avropa Parlamenti üzvlərindən ibarət nümayəndə heyəti Azərbaycanda səfərdədir.

Xeberlent.az informasiya agentliyinin verdiyi məlumata görə, iyulun 8-9-da Azərbaycanda olacaq nümayəndə heyətinə Mario David (Portuqaliya), xanım Rəşida Dati (Fransa), Filip Kaçmarek (Polşa), xanım Elena Antonesku (Rumıniya) və keçmiş deputat Jorge Morgado (Portuqaliya) daxildir.

 

Nümayəndə heyətini Belçika federal parlamentinin deputatı Alain Desteks müşayiət edir.

Avropa Parlamentinin deputatlarının səfər çərçivəsində Azərbaycan Prezidenti Administrasiyasında, Xarici İşlər Nazirliyində, Sənaye və Energetika Nazirliyində, Qaçqınların və Məcburi Köçkünlərin İşləri üzrə Dövlət Komitəsində olmaları nəzərdə tutulub.

Nümayəndə heyəti üzvlərinin Qaradağ rayonunun Müşviqabad qəsəbəsində məcburi köçkün ailələri üçün yaradılmış şəraitlə tanışlıq səfəri və helikopterlə Ağdamda yerləşən məcburi köçkün qəsəbəsinə baxış keçirmələri gözlənilir.

Avropa Parlamentinin deputatlarının səfəri onların Azərbaycanın problemləri ilə yaxından tanış olmalarına və ölkəmizə davamlı siyasi dəstək vermələrinə xidmət edəcək./apa/

Bənzər mövzular

Şamaxıda “Nəsimi böyük mütəfəkkir kimi”inşamüsabiqəsinə yekun vuruldu
Şamaxı.6 sentyabr 2019-cu il.
“Bu gün Sabir təkcə oxunmur, ürəklərə köçür” – Elxan Süleymanov
Elxan Süleymanov veteranlarla görüşdü – 2011 və 2019-cu illərin danışan fotoları