Avropa Parlamentinin 16 nəfərlik nümayəndə heyəti Azərbaycana üçgünlük səfərə gələcək
29 Avqust 2012 – ci il
Bakı, 29 avqust, SalamNews. Milli Məclisin deputatı, Avronest PA-da Azərbaycan nümayəndə heyətinin rəhbəri və AŞPA-da nümayəndə heyətinin üzvü Elxan Süleymanovun təşəbbüsü və dəvəti ilə Avropa Parlamenti üzvlərindən ibarət nümayəndə heyəti avqustun 30-dan sentyabrın 2-dək Azərbaycana səfərə gələcək.
29 Avqust 2012 – ci il
Bakı, 29 avqust, SalamNews. Milli Məclisin deputatı, Avronest PA-da Azərbaycan nümayəndə heyətinin rəhbəri və AŞPA-da nümayəndə heyətinin üzvü Elxan Süleymanovun təşəbbüsü və dəvəti ilə Avropa Parlamenti üzvlərindən ibarət nümayəndə heyəti avqustun 30-dan sentyabrın 2-dək Azərbaycana səfərə gələcək.
SalamNews-un məlumatına görə, qonaqlar avqustun 31-də Baş nazirin müavini və Qaçqın və Məcburi Köçkünlərlə İş üzrə Dövlət Komitəsinin sədri Əli Həsənovla, sənaye və energetika nazirinin müavini Gülməmməd Cavadovla, ARDNŞ-ın vitse-prezidenti Elşad Nəsirovla, xarici işlər nazirinin müavini Mahmud Məmmədquliyevlə görüşəcəklər. Nümayəndə heyəti Azərbaycanın Avronest PA-da nümayəndə heyəti ilə də görüşəcək.
Qonaqlar sentyabrın 1-də helikopterlə Ağdamda məcburi köçkün qəsəbəsinə, daha sonra isə Şamaxıya səfər edərək regionla yaxından tanış olacaqlar.
