Avronest PA-nın büro iclasında Bakıda keçiriləcək sessiyanın gündəliyi təsdiqlənəcək
14 mart 2012-ci il
Fransanın Strasburq şəhərində martın 15-də Avronest Parlament Assambleyasının büro iclası keçiriləcək.
Milli Məclisin deputatı, Azərbaycanın Avronest PA-dakı nümayəndə heyətinin rəhbəri Elxan Süleymanov bildirib ki, iclasda Assambleyanın aprelin 2-dən 4-dək Bakıda keçiriləcək ikinci plenar sessiyasının gündəliyi müzakirə edilərək təsdiqlənəcək.
İclasda, həmçinin qurumun daimi komitələrinin hazırladıqları məruzə layihələri və onlara təklif olunan düzəlişlər ətrafında müzakirələr aparılacaq. Bu məruzələrin də Bakıda keçiriləcək sessiyada təsdiqi nəzərdə tutulub. /AzərTac/
