ATƏT PA müşahidə missiyası göndərir
Avronest PA-da Azərbaycan nümayəndə heyətinin rəhbəri, Şamaxının Millət vəkili Elxan Süleymanovun verdiyi məlumata əsasən ATƏT Parlament Assambleyası 9 oktyabrda Azərbaycanda keçiriləcək prezident seçkilərinə müşahidə missiyası göndərəcək.
O, bildirib ki, ATƏT Parlament Assambleyasının Prezidenti Ranko Krivokapiç Azərbaycanda keçiriləcək prezident seçkilərinə müşahidə missiyasının göndəriləcəyi barədə qurumun bütün nümayəndə heyətlərinə məktub göndərib və seçkiləri müşahidə missyasının formalaşdırılması üçün beynəlxalq katibliyə öz nümayəndələri haqqında məlumat verməyi xahiş edib. Elxan Süleymanov qeyd edib ki, ATƏT-in fəaliyyətdə olan sədri ATƏT PA-nın keçmiş Prezidenti Volfqanq Qrossrukun təqdimatı əsasında Fransa nümayəndə heyəti rəhbərinin müavini Mişel Vuazanı iyul ayında Xüsusi Koordinator təyin edib. Mişel Vuazan həmçinin ATƏT-in Azərbaycanda bütün seçki missiyalarının Xüsusi Koordinatorudur.
