AŞPA-da “Dağlıq Qarabağda və Azərbaycanın digər işğal edilmiş ərazilərində gərginliyin artması” adlı məruzə hazırlanacaq
AŞPA-da “Dağlıq Qarabağda və Azərbaycanın digər işğal edilmiş ərazilərində gərginliyin artması” adlı məruzə hazırlanacaq.
Avropa Şurası Parlament Assambleyasında Azərbaycan nümayəndə heyətinin üzvü Elxan Süleymanovun APA-ya verdiyi məlumata görə, sentyabrın 2-də AŞPA-nın Parisdə keçirilən Büro iclasında Ermənistanın Azərbaycan torpaqlarını işğal etməsi ilə bağlı qətnamə layihələri üzrə məruzəçi təyin olunması məsələsinə baxılıb.
Büro böyük səs çoxluğu ilə Elxan Süleymanovun müəllifi olduğu qətnamə layihəsi üzrə məruzəçi təyin olunması üçün Siyasi Komitəyə göndərib.
