Şamaxının millət vəkili Elxan Süleymanovun adından şamaxılı müharibə veteranları təbrik edildi
Mayın 7-də Şamaxının millət vəkili Elxan Süleymanovun
adından Şamaxı rayonunda yaşayan Böyük Vətən müharibəsi veteranları təbrik edildi.
Millət vəkilinin səlahiyyətli nümayəndəsi Dəyanət Musayev millət vəkilinin
Şamaxıdakı qərargahında rayonda yaşayan bir qrup müharibə veteranı ilə görüşdü.
Qeyd olundu ki, əvvəlki illərdə olduğu kimi, bu il də millət vəkilinin
tapşırığı ilə müharibə veteranları ilə görüş keçirilir.
Faşizm üzərində qələbənin 70 illiyi münasibətilə müharibə veteranları təbrik olundu və onlara millət vəkili adından qiymətli hədiyyələr təqdim edildi. Görüşdə iştirak edə bilməyən veteranlara hədiyyələr qərargahın əməkdaşları tərəfindən yaşadıqları ünvanlarda çatdırıldı. Veteranlar Şamaxının millət vəkili Elxan Süleymanova hər zaman onlara göstərdiyi diqqətə görə öz minnətdarlıqlarını bildirdilər.
