Şamaxının millət vəkili Elxan Süleymanov şamaxılıları Yeni il münasibətilə təbrik edib
Şamaxının millət vəkili Elxan Süleymanov bu il də seçicilərini Yeni ilin gəlişi və Dünya Azərbaycanlılarının Həmrəylik Günü münasibətilə təbrik etdi. Dekabrın 28-də Şamaxı rayonunda yaşayan 165 Qəhrəman Anaya, 70 Qarabağ şəhidi ailəsinə, 34 Böyük Vətən Müharibəsi iştirakçısına Şamaxının millət vəkili adından bayram sovqatları çatdırıldı.
Şamaxıda fəaliyyət göstərən 22 bağçada tərbiyə alan 1145 balacaya da bayram hədiyyələri verildi. Şamaxının millət vəkili Kiçik Xınıslı kəndindəki uşaq bağçasında düzənlənən yeni il şənliyinə şəxsən qatıldı.
Elxan Süleymanov Şamaxıdakı qərargahında – 2011-2013-cü illərdə keçirilmiş M.Ə.Sabirin bədii yaradıcılığına həsr olunmuş Bədii qiraət müsabiqələrinin qalibləri, son 3 ildə yüksək balla ali məktəblərə daxil olmuş şamaxılı tələbələrlə görüşdü, onlara bayram arzularını çatdırdı və 60-dan çox şəxsə özünün təsis etdiyi təqaüdləri təqdim etdi.
