85 saylı Şamaxı seçki dairəsindən Azərbaycan Respublikası Milli Məclis üzvlüyünə namizəd Elxan Süleymanovun seçki qərargahının nümayəndəsi Fuad Babayevdən aldığımız məlumata görə, onun rəhbərlik etdiyi qrup bu gün – oktyabrın 20-də Şamaxı rayonunun Qızmeydan, Pirbəyli, Əhmədli, Hacılı, Qaleybuğurd, Sis, Keçmədin, Qaladərəsi, Avaxıl, Dəmirçi, Səfalı, Zaratxeybəri, Ərçiman kəndlərində və Y.Məmmədəliyev adına qəsəbədə, Xidmət Ömərovun rəhbərlik etdiyi qrup isə Şamaxı şəhərində qapıdan-qapıya proqramını həyata keçirir. Bu proqram çərçivəsində qeyd edilən yaşayış məntəqələrindən olan seçicilərə namizəd Elxan Süleymanovun tərcümeyi-halı, seçicilərə müraciəti və seçki platformasından ibarət təbliğat vasitələri təqdim olunur.