Şamaxının Ərçiman kənd məktəbi üçün tikilən əlavə tədris korpusu istifadəyə verilib
Sentyabr 15-də Şamaxı rayonunun Ərçiman kənd ümumi orta məktəbi üçün inşa edilən üç sinif otağından ibarət əlavə korpusun açılış mərasimi keçirilib.
AZƏRTAC xəbər verir ki, kənd məktəbi üçün əlavə korpus Milli Məclisin deputatı Elxan Süleymanov tərəfindən inşa etdirilib.
E.Süleymanov çıxışında kəndin dağlıq ərazidə yerləşdiyini, digər yaşayış məntəqələri ilə əlaqədəki çətinlikləri nəzərə alaraq ümumi orta məktəbin tam orta məktəbə çevrilməsi barədə əlaqədar təşkilatlar qarşısında məsələ qaldırıldığını da diqqətə çatdırıb.
Açılış mərasimində kənd ağsaqqalları və ziyalılardan Binyət Məhərrəmov, Günay Babayeva və başqaları çıxış edərək bu xeyirxahlığa görə deputata təşəkkürlərini bildiriblər.
Rayon icra hakimiyyəti başçısının birinci müavini Qasım Qasımov E.Süleymanovun Şamaxı rayonunda gördüyü xeyirxah işlərdən danışıb, yeni dərs ilində müəllim və şagirdlərlə uğurlar arzulayıb.
Sonra şagird və müəllimlər hər cür avadanlıqlarla təchiz edilən sinif otaqlarına daxil olaraq ilk dərsə başlayıblar.
