Cari bölmə: Xəbərlər

Prezident Azərbaycanın dövlət müstəqilliyinin 20-ci ildönümü münasibətilə keçirilən tədbirdə iştirak edib

  Bakıda cümə günü Azərbaycanın dövlət müstəqilliyinin 20-ci ildönümü münasibətilə beynəlxalq tədbir işə başlayıb. Azərbaycan Prezidenti İlham Əliyev tədbirin açılış mərasimində iştirak edib. Dövlət başçısı konfransda çıxış edib. Trend-in məlumatına görə, Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) təşkilatçılığı ilə keçirilən tədbirdə dünyanın 58 ölkəsindən 300-dən artıq tanınmış ictimai-siyasi xadim, o cümlədən, Avropa Parlamenti, Avropa Şurası Parlament Assambleyası, ATƏT, AVRONEST, Avropa ölkələri parlamentlərinin deputatları, hazırkı və keçmiş dövlət xadimləri, “Nobel” mükafatı laureatları, ABŞ-ın regional spikerləri, keçmiş konqresmen və senatorlar, alim və biznesmenlər iştirak edirlər.

Konfrasda Azərbaycanın müstəqillik illərinə aid sənədli film nümayiş etdirilib.

Avropa Parlamenti: Azərbaycan regionda sabitliyin təmini baxımından əhəmiyyətlidir

  Regionda sabitliyin təmini baxımından Azərbaycan və onun dəyərləri bizim üçün əhəmiyyətlidir. Trend-in məlumatına görə, bunu cümə günü Bakıda keçirilən      Azərbaycan Respublikasının müstəqilliyinin 20-ci ildönümünə həsr olunmuş beynəlxalq konfransda Avropa Parlamentinin Müdafiə və Təhlükəsizlik Alt Komitəsinin vitse-prezidenti xanım Norika Nikolai deyib. Nikolai Azərbaycanla Avropa Qonşuluq Siyasəti çərçivəsində əməkdaşlığın da əhəmiyyətli olduğunu deyib.
Onun sözlərinə görə, Azərbaycanın qədim tarixi var.
“Azərbaycan özünün qədim tarixə malik olan mədəniyyəti ilə də dünyada tanınıb. Azərbaycan xalqı həmişə güclü olub, öz müstəqilliyi uğurunda mübarizə aparıb”, – komitənin vitse-prezidenti deyib./Trend/

 

Əli Həsənov: “Azərbaycan mədəni, tolerant bir dövlətdir”

APA-nın məlumatına görə, bunu Azərbaycan Prezident Administrasiyasının ictimai-siyasi şöbəsinin müdiri Əli Həsənov Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) təşkilatçılığı ilə Azərbaycanın dövlət müstəqilliyinin 20-ci ildönümü münasibətilə keçirilən beynəlxalq tədbirdəki çıxışında deyib.  O, Azərbaycanın həm də enerji mənbəyi və nəqliyyat yollarının kəsişdiyi məkan olduğunu deyib.
“Azərbaycan həm də müsəlman Şərqinin ilk operasını yaradıb”, – deyə Ə. Həsənov vurğulayıb.

 

Bakıda Azərbaycanın dövlət müstəqilliyinin 20-ci ildönümü münasibətilə beynəlxalq tədbir işə başlayıb

 
Bakıda cümə günü Azərbaycanın dövlət müstəqilliyinin 20-ci ildönümü münasibətilə beynəlxalq tədbir işə başlayıb. Tədbirdə dünyanın 58 ölkəsindən 300-dən artıq tanınmış ictimai-siyasi xadim, o cümlədən, Avropa Parlamenti, Avropa Şurası Parlament Assambleyası, ATƏT, AVRONEST, Avropa ölkələri parlamentlərinin deputatları, hazırki və keçmiş dövlət xadimləri, Nobel mükafatı laureatları, ABŞ-ın regional spikerləri, keçmiş konqresmen və senatorlar, alim və biznesmenlər iştirak edirlər.

Tədbir sabah başa çatacaq.

AVCİYA-nın nəşr etdirdiyi “Bakı haqqında 20 etüd” kitab-albomu çapdan çıxmışdır

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) yeni nəşri işıq üzü görmüşdür. “Bakı haqqında 20 etüd” adlanan bu kitab-albom  Azərbaycan Respublikasının dövlət müstəqilliyinin 20-ci ildönümünə həsr edilmişdir. Kitabın yaradıcı heyəti hər daşına bələd olduğumuz, hər gün küçələrini dolaşdığımız Bakını yeni rakursda – 20 etüddə təqdim edirlər. 

 

Kitab-albomun ideya müəllifi AVCİYA-nın prezidenti, Şamaxının millət vəkili, Azərbaycan Respublikasının AŞPA-dakı nümayəndə heyətinin üzvü, AVRONEST Parlament Assambleyasındakı nümayəndə heyətinin rəhbəri Elxan Süleymanov, buraxılışa məsul AVCİYA-nın vitse-prezidenti Vəli Əlibəyov, yaradıcı qrupun rəhbəri Fuad Babayevdir.

 

Lakonik mətnlə və daha çox fotoların dili ilə təqdim edilən “Bakı haqqında 20 etüd” kitab-albomu geniş oxucu kütləsi üçün nəzərdə tutulmuşdur.

 

Azərbaycan Respublikası Prezidentinin Sərəncamı

Şamaxı rayonunun sosial-iqtisadi inkişafının sürətləndirilməsinə dair əlavə tədbirlər haqqında

Zəngin tarixi olan qədim Şamaxı şəhəri Azərbaycan dövlətçiliyinin, incəsənətinin və ədəbiyyatının inkişafına böyük töhfələr vermiş, ölkəmizin mühüm sosial-iqtisadi, siyasi və mədəni mərkəzlərindən biri kimi tanınmışdır.

Şamaxı müxtəlif dövrlərdə təbii fəlakətlərə məruz qalsa da, öz iqtisadiyyatını və mədəniyyətini yenidən bərpa edə bilmişdir. Şəhərdə qorunub saxlanan arxeoloji abidələr və memarlıq nümunələri, həmçinin mədəni irsimizin dəyərli inciləri sırasına daxil olan qədim Cümə məscidi, Gülüstan qalası və Yeddi günbəz türbələr kompleksi mühəndis-memarlıq həllinin kamilliyi baxımından bu gün də iftixar hissi doğurur.

Azərbaycan elminə və mədəniyyətinə dəyərli simalar bəxş edən Şamaxı Əfzələddin Xaqani, İmadəddin Nəsimi, Seyid Əzim Şirvani, Mirzə Ələkbər Sabir və Abbas Səhhət kimi görkəmli söz ustaları yetirmişdir.

(more…)

AVRONEST Parlament Assambleyasının ilk sessiyasında Azərbaycan və Ermənistan nümayəndə heyətləri arasında gərginlik yaranıb

“Sentyabrın 14-15-də Strasburqda AVRONEST Parlament Assambleyasının ilk sessiyası keçirilib. Sessiyanın ikinci günü müzakirələr kifayət qədər gərgin oldu”.

Bu açıqlamanı APA-ya hazırda Strasburqda olan Milli Məclisin deputatı, AVRONEST PA-da Azərbaycan nümayəndə heyətinin rəhbəri Elxan Süleymanov verib. O, müzakirələrin dramatik keçdiyini söyləyib: “Sentyabrın 15-də plenar iclas zamanı ötən gün siyasi məsələlər üzrə komitənin iclasında qəbul olunmuş yekun sənədə düzəliş təklifləri müzakirə olundu və səsə qoyuldu. Düzəliş təkliflərində bizim üçün mühüm əhəmiyyət kəsb edən məqamlar var idi. Biz ilkin qəbul olunmuş sənəddə dövlətlərin suverenliyi, ərazi bütövlüyü və sərhədlərin toxunulmazlığı kimi prinsiplərin yer almasına nail olduq. Ermənipərəst deputatlar isə həmin müddəanın tamamilə silinməsini təklif edirdilər. Biz bu təkliflə razılaşmadıq və mətnin əvvəlki redaksiyada qalmasını tələb etdik. Səsə qoyulduqdan sonra biz bu müddəanın ötən gün qəbul olunmuş variantının saxlanılmasına nail olduq.

(more…)

Elxan Süleymanov: “AVRONEST Parlament Assambleyasının növbəti sessiyası Azərbaycanda keçiriləcək”

 AVRONEST Parlament Assambleyasının Bürosu bununla bağlı müvafiq qərar qəbul edib

 Dünən Strasburqda AVRONEST Parlament Assambleyasının ilk sessiyası işə başlayıb. Sessiyanın ilk günündə AVRONEST PA Bürosunun və komitələrinin iclasları keçirilib. İclaslarda müzakirə edilən məsələlər və qəbul edilən qərarlar barədə suallarımızı millət vəkili, AVRONEST PA-da Azərbaycan nümayəndə heyətinin sədri Elxan Süleymanov cavablandırır.

– Büro iclasında müzakirə edilən məsələlərlə bağlı məlumat verməyinizi xahiş edirik.

– Əvvəlcədən bildirdiyimiz kimi, Büro iclasının gündəliyində AVRONEST PA-nın 2012-ci ilin may ayında Şərq Tərəfdaşlığı ölkələrində keçirilməsi ilə bağlı Azərbaycanın təklifi müzakirə ediləcək. Azərbaycan tərəfi Prosedura Qaydalarının 7-ci maddəsinə uyğun olaraq, AVRONEST PA-nın növbəti sessiyasının Bakıda keçirilməsi təklifi ilə çıxış etmişdi. Lakin Büronun 21 iyun 2011-ci il tarixli iclasında AVRONEST PA-nın növbəti plenar iclasının 2012-ci ilin may ayında Bakıda keçirilməsi təklifi ilə bağlı səsvermə zamanı Azərbaycan, Ukrayna, Gürcüstan və AVRONEST PA-nın Avropa Parlamenti tərəfindən həmprezidenti Xristian Vigenin PA-nın plenar iclasının Azərbaycanda keçirilməsini dəstəkləsələr də, Ermənistan, Büronun üzvləri olan polşalı deputat Saryuj-Volski və rumıniyalı deputat Trayan Unqreanu əleyhinə səs vermişdilər, Moldova isə bitərəf qalmışdı. Bunun nəticəsində 2/3 səs çoxluğu qazanılmadı.

(more…)

Avronest PA-nın ilk iclası başlayıb

Sentyabrın 14-də Strasburqda Avronest Parlament Assambleyasının (PA) ilk sessiyası başlayıb. APA-nın “AzərTAc” dövlət agentliyinə istinadən verdiyi məlumata görə, sessiyada Milli Məclisin Assambleyadakı nümayəndə heyətinin rəhbəri Elxan Süleymanov, parlamentin hüquq siyasəti və dövlət quruculuğu komitəsinin sədri Əli Hüseynli, deputatlardan Məlahət İbrahimqızı, Rasim Musabəyov, Fərəc Quliyev, Sevinc Hüseynova, Rövşən Rzayev, Azər Kərimli, Fuad Muradov və Asim Mollazadə iştirak edirlər.

(more…)

Şamaxının millət vəkili “Şöhrət” ordeni ilə təltif olundu

 

E.S.Süleymanovun «Şöhrət» ordeni ilə təltif edilməsi haqqında

Azərbaycan Respublikasının Prezidentinin

Sərəncamı

         Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

         Azərbaycan Respublikasının ictimai-siyasi həyatında fəal iştirakına görə Elxan Sirac oğlu Süleymanov “Şöhrət” ordeni ilə təltif edilsin.


İlham ƏLİYEV,

Azərbaycan Respublikasının Prezidenti


Bakı şəhəri, 14 sentyabr 2011-ci il

(more…)