Cari bölmə: Xəbərlər

PRESS RELİZ 18.07.2011

Şamaxının millət vəkili,

AVRONEST Parlament Assambleyasında Azərbaycan Nümayəndə Heyətinin Rəhbəri, Avropa Şurası Parlament Assambleyasının üzvü, Azərbaycan – Belçika parlamentlərarası əlaqələr üzrə işçi qrupunun rəhbəri

Elxan Süleymanovun

Seçki Qərargahı

Şamaxının millət vəkili, AVRONEST Parlament Assambleyasında Azərbaycan Nümayəndə Heyətinin Rəhbəri, Avropa Şurası Parlament Assambleyasının üzvü Elxan Süleymanovun dəvəti ilə Azərbaycanda səfərdə olmuş Avropa Parlamentinin üzvləri, cənab Franko Qaston (Fransa), cənab Ferreyra Fernandez Xose Manuel (Portuqaliya) və Belçika Parlamentinin üzvü Alayn Desteks dünən, 17 iyul tarixində səfərlərini başa vuraraq Azərbaycanı tərk etmişdilər. Azərbaycanla tanışlıq və rəsmi görüşlər məqsədilə edilən səfər çərçivəsindəə qonaqlar Milli Məclisin sədri, cənab Oqtay Əsədov, Xarici İşlər Naziri, cənab Elmar Məmmədyarov,  Azərbaycan Respublikasının Baş Nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri, cənab Əli Həsənov, ARDNŞ-in vitse-prezidenti, cənab Elşad Nəsirov və  Yeni Azərbaycan Partiyasının sədr müavini, icraçı katibi, Millət Vəkili Əli Əhmədovla görüşmüş, helikopterlə Ağdamda yerləşən məcburi köçkün qəsəbəsinə səfər etmişdilər. Şamaxının millət vəkili Elxan Süleymanov bu kimi səfərləri Azərbaycan barədə beynəlxalq təşkilatlarda doğru və obyektiv təsəvvürlərin yaradılması baxımından çox əhəmiyyətli sayır. Xatırladaq ki, cənab E.Süleymanovun dəvəti ilə 04-08 iyul tarixlərində Belçika – Azərbaycan parlamentlərarası əlaqələr üzrə işçi qrupunun üzvləri də Azərbaycana səfər etmiş və rəsmi görüşlər keçirmişdilər. Növbəti bu kimi səfər 19-22 iyul tarixlərində baş verəcək. Avropa Şurası Parlament Assambleyasında Avropa Xalq Partiyası fraksiyasının rəhbəri Cənab Lukas Volontenin rəhbərlik etdiyi 11 nəfərdən ibarət qrupu Azərbaycan Respublikasının prezidenti, cənab İlham Əliyev tərəfindən qəbulu gözlənilir. Qonaqlar rəsmi görüşlərlə yanaşı həmçinin Bakı-Tiflis-Ceyhan boru-kəmərinin Aralıq dənizinə istiqamət aldığı yerə – Sanqaçal Neft Terminalına səfər edəcəklər, və, Azərbaycanda vətəndaş cəmiyyətinin inkişafı üçün faydalana biləcək dinlərarası dialoq və Avropa dəyərlərinə dair dəyirmi masada iştirak edəcəklər.

(more…)

Millət vəkilləri Şamaxıda toy mərasimində iştirak ediblər

Milli Məclisinin bir qrup deputatı Azərbaycanda qonaq olan Belçika parlamentinin 5 üzvü ilə birgə Şamaxıdan seçilən millət vəkili Elxan Süleymanovun təşəbbüsü ilə iyulun 7-də bu rayonda səfərdə olublar. Bu barədə Modern.az-a E.Süleymanovun rəhbəri olduğu AVCİYA təşkilatından məlumat verilib.

 

Bildirilib ki, qonaqlar əvvəlcə Şamaxı Rayon İcra Hakimiyyətində olaraq icra başçısı Asif Məmmədovla görüşüb, bölgədə aparılan işlər barədə məlumat alıblar.

(more…)

Belçika parlamentariləri Şamaxının Qalaybuğur kəndində toy mərasimində iştirak ediblər

Bakı – APA. Belçika-Azərbaycan parlamentlərarası əlaqələr üzrə işçi qrupunun 5 üzvündən ibarət nümayəndə heyəti iyulun 4-dən 8-dək Azərbaycanda səfərdə olub, bir sıra görüşlər keçirib. Millət vəkili, Azərbaycan-Belçika parlamentlərarası əlaqələr üzrə işçi qrupunun rəhbəri Elxan Süleymanov səfərin məqsədi və müzakirə edilən məsələlərlə bağlı APA-ya müsahibə verib.

 

Belçika nümayəndə heyətinin Azərbaycanın səfərinin əsas məqsədi nə idi?

 

– Azərbaycan Milli Məclisi müxtəlif ölkələrin parlamentləri ilə çoxtərəfli və ikitərəfli səviyyələrdə əməkdaşlıq edir. Çoxtərəfli əməkdaşlıq deyəndə müxtəlif beynəlxalq təşkilatlar çərçivəsində əməkdaşlıq, ikitərəfli əməkdaşlıq deyəndə isə iki ölkə arasında formalaşdırılmış birbaşa əməkdaşlıq nəzərdə tutulur. Onu da deyim ki, əksər hallarda çoxtərəfli əməkdaşlığın səmərəli olması ikitərəfli əməkdaşlıq əlaqələrinin səviyyəsindən və sıxlıq dərəcəsindən asılıdır. Odur ki, Azərbaycan Milli Məclisi tərəfdaş ölkələrin parlamentləri ilə, o cümlədən Belçika parlamenti ilə müxtəlif səviyyəli əlaqələr qurub. Bu əlaqələrin daha da intensiv və dinamik şəkildə inkişaf etdirilməsi üçün tərəfdaş ölkələrlə parlamentlərarası əlaqələr üzrə işçi qrupları yaradılıb. Bu işçi qruplardan biri də Azərbaycan-Belçika parlamentlərarası əlaqələr üzrə işçi qrupdur. Analoji işçi qrupu Belçika parlamenti tərəfindən də yaradılıb. Cənab Filip Blanşarın rəhbərliyi ilə Belçika-Azərbaycan parlamentlərarası əlaqələr üzrə işçi qrupunun ölkəmizə səfəri tanışlıq xarakteri daşıyır. Səfər çərçivəsində qonaqlar İnsan Hüquqları üzrə Müvəkkili Elmira Süleymanova, mədəniyyət və turizm naziri Əbülfəs Qarayev, Qaçqınlar və Məcburi Köçkünlərlə İş üzrə Dövlət Komitəsinin sədri Əli Həsənovla görüşüblər. Görüşlər zamanı hüquqi, demokratik dövlət quruculuğu və insan hüquqlarının müdafiəsi istiqamətində ölkəmizin əldə etdiyi irəliləyişlər, Azərbaycanda həyata keçirilən çoxşaxəli layihələr, Azərbaycan-Belçika mədəni əlaqələrin inkişafı imkanları və perspektivləri müzakirə edilib. Qaçqınlar və Məcburi Köçkünlərlə İş üzrə Dövlət Komitəsində keçirilən görüş zamanı qonaqlar Ermənistanın Azərbaycana qarşı silahlı təcavüzü nəticəsində ölkəmizin 20% ərazisinin işğal edilməsi, həmin ərazilərdə işğalçı Ermənistan tərəfindən etnik təmizləmə siyasətinin həyata keçirilməsi, bir milyondan artıq insanın qaçqın və məcburi köçkün halına düşməsi, işğal nəticəsində regionda fövqəladə humanitar vəziyyətin yaranması faktları qonaqların diqqətinə çatdırılıb. Qonaqlar ölkəmizin iqtisadi inkişafını görmək məqsədilə “Caspian Fish” və “Səngəçal” neft terminalı ilə tanış olub, mənim millət vəkili seçildiyim Şamaxı rayonuna səfər ediblər.

(more…)

Şamaxıda növbəti xeyriyyəçilik tədbiri

Şamaxıdan Milli Məclisə deputat seçilmiş Elxan Süleymanov artıq rayon sakinləri arasında xeyriyyəçi kimi tanınır.

Bir neçə ay əvvəl Azərbaycanın görkəmli maarifçi şairi Seyid Əzim Şirvaninin qəbirüstü abidəsini inşa etdirən, kimsəsiz, xəstə ailələrə baş çəkib onların problemləri ilə maraqlanan, imkansız tələbələrə maddi yardım göstərən E.Süleymanov iyulun 7-də daha bir xeyriyyəçilik tədbiri keçirmişdir. Deputat Şamaxının ucqar Qaleybuğurd kəndində Qarabağ müharibəsi iştirakçısı Mərdan Hacıyevin oğlu Bəhlul Hacıyevə toy şənliyi keçirmişdir.

(more…)

Şamaxıda müharibə əlilinin övladı üçün toy mərasimi təşkil edilib və yeni inşa ediləcək evin təməli qoyulub

Şamaxı rayonunda xeyriyyə tədbiri keçirilib. APA-nın Şirvan bürosunun xəbərinə görə, Şamaxıdan seçilmiş millət vəkili Elxan Süleymanovun dəstəyi ilə rayonun Qaleybuğurd kənd sakinləri Bəhlul və Ramilənin toy mərasimi təşkil edilib. Rayon mərkəzindən 35 kilometr aralıda dağlıq ərazidə yerləşən kənddə milli adət-ənənələrə uyğun olaraq təşkil edilən toy mərasimində Milli Məclisin deputatları Elxan Süleymanov, Qənirə Paşayeva, Rövşən Rzayev, Xanhüseyn Kazımlı, Əli Hüseynli, Azər Kərimli, Belçika-Azərbaycan parlamentlərarası işçi qrupunun rəhbəri Filipp Blenşar, rayon İcra Hakimiyyətinin başçısı Asif Məmmədov, rayon ziyalıları, yerli sakinlər iştirak edib. (more…)

QALEYBUĞURDDA TOY SEVİNCİ

7 iyul 2011-ci ildə Şamaxının Qaleybuğurd kəndində Bəhlul və Ramilənin toy məclisi keçiriləcək. Şamaxının millət vəkilinin dəstəyi ilə baş tutacaq mərasimdə Azərbaycan Milli Məclisinin və cənab Philippe Blanchart başda olmaqla Belçika – Azərbaycan Parlamentlərarası əlaqələr üzrə işçi qrupunun üzvləri, Şamaxı rayonunun rəhbərliyi, tanınmış ziyalılar və sənətçilər  iştirak edəcəklər. Elxan Süleymanovun təşəbbüsü və təşkilatçılığı ilə gənc ailə üçün inşa ediləcək yaşayış evinin təməlqoyması da baş tutacaq.

(more…)

BELÇİKA PARLAMENTİNİN ÜZVLƏRİ AZƏRBAYCANDA

Belçika parlamentinin üzvləri Filip Blanşar,  David Geerts,  Olivier Henri, Willem-Frederik Schiltz və  Fəxri Senator Stef Goris Bakıda səfərdədirlər. Nümayəndə heyətinə Belçika parlamentinin üzvü, Azərbaycan-Belçika parlamentlərarası dostluq qrupunun sədri  Filip Blanşar rəhbərlik edir.

 

Səfər millət vəkili, Avropa Şurasının Parlament Assambleyasında Azərbaycan nümayəndə heyətinin üzvü, “EURONEST” Parlament Assambleyasında Azərbaycan nümayəndə heyətinin rəhbəri, Parlament Assambleyası Sədrinin müavini və büro üzvü, Azərbaycan-Belçika parlamentlərarası əlaqələr üzrə işçi qrupunun rəhbəri Elxan Süleymanovun dəvəti ilə baş tutub. 

(more…)

AVCİYA-nın prezidenti, Millət vəkili Elxan Süleymanovun çıxışı

AVCİYA-nın prezidenti, Millət vəkili Elxan Süleymanovun “Siyasi məhbus anlayışı üçün bir tərifin qəbul edilməsi zərurəti” mövzusunda keçirilən beynəlxalq konfransda çıxışı


Hörmətli sədr, 
Hörmətli konfrans iştirakçıları,
Xanımlar və cənablar,
Sizi Azərbaycanda Vətəndaş Cəmiyyətinin İnkişafına Yardım Assosiasiyası və konfransın digər təşkilatçıları adından Azərbaycanın paytaxtı Bakı şəhərində xoş gəlmişsiniz deyirəm və Azərbaycan qonaqpərvərliyi ilə salamlamaqdan məmnunluq duyuram.  (more…)

Bakıda “Siyasi məhbus anlayışının vahid tərifinin qəbul edilməsi zərurəti” mövzusunda beynəlxalq konfrans keçirildi

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA), “İnsan hüquqları 21-ci əsr Azərbaycan Fondu”, İnsan hüquqlarına dair beynəlxalq standartların təsbiti üzrə birgə işçi qrupu, Məhbusların Reinteqrasiya Assosiasiyası və Azərbaycan Ədliyyə Nazirliyinin dəstəyi ilə “Siyasi məhbus anlayışının vahid tərifinin qəbul edilməsi zərurəti” mövzusunda beynəlxalq konfrans keçirdilər. (more…)

Şamaxıda Sabirə həsr olunan bədii qiraət müsabiqəsi başa çatıb

Şamaxı şəhərində Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) və Söz Azadlığını Müdafiə Fondunun (SAMF) təşkilatçılığı ilə Mirzə Ələkbər Sabirin yaradıcılığına həsr olunan tədbir keçirilib. SAMF-ın sədri, şair Musa Yaqub M.Ə.Sabirin Azərbaycan ədəbiyyatında tutduğu yerdən, onun yaradıcılığının daim diqqət mərkəzində olmasından danışaraq bu işdə vətəndaş cəmiyyəti təmsilçilərinin də xüsusi rolu olduğunu qeyd edib. O, AVCIYA-nın rəhbəri, Şamaxının millət vəkili Elxan Süleymanovun təşəbbüsü və dəstəyi ilə Əfzələddin Xaqaninin Məlhəm kəndindəki abidəsinin və M.Ə.Sabirin müəllimi Seyid Əzim Şirvaninin qəbirüstü abidəsinin bərpa edildiyini, Şamaxı Humanitar Kollecinin və Azərbaycan Müəllimlər İnstitutunun Şamaxı filialının tələbələrinə Xaqani və Şirvani adına təqaüdlərin təsis edildiyini bildirib: “Eyni zamanda hər iki qurumun təşkilatçılığı ilə Şamaxıda M.Ə Sabir yaradıcılığına həsr olunan bədii qiraət müsabiqəsi keçirilib. Bu ilin martından start götürən müsabiqə mayın 24-də sona çatıb.

(more…)