Milli Məclisin sədri AŞPA-nın Avropa Xalq Partiyası fraksiyasının üzvlərini qəbul edib

APA – 21.07.2011

Milli Məclisin sədri Oqtay Əsədov Azərbaycanda səfərdə olan AŞPA-nın Avropa Xalq Partiyası fraksiyasının üzvlərini qəbul edib. Bu barədə APA-ya Milli Məclisin mətbuat xidmətindən məlumat verilib. Azərbaycanın bu günədək Avropa Şurasının 55 sənədinə qoşulduğunu xatırladan O. Əsədov qurum qarşısında götürülmüş öhdəliklərin çox böyük hissəsinin yerinə yetirildiyini və bu istiqamətdə işlərin davam etdiyini vurğulayıb: “Yaxın gələcəkdə biz “Siyasi partiyalar haqqında” yeni qanun qəbul etməyə hazırlaşırıq. 

APA – 21.07.2011

Milli Məclisin sədri Oqtay Əsədov Azərbaycanda səfərdə olan AŞPA-nın Avropa Xalq Partiyası fraksiyasının üzvlərini qəbul edib. Bu barədə APA-ya Milli Məclisin mətbuat xidmətindən məlumat verilib. Azərbaycanın bu günədək Avropa Şurasının 55 sənədinə qoşulduğunu xatırladan O. Əsədov qurum qarşısında götürülmüş öhdəliklərin çox böyük hissəsinin yerinə yetirildiyini və bu istiqamətdə işlərin davam etdiyini vurğulayıb: “Yaxın gələcəkdə biz “Siyasi partiyalar haqqında” yeni qanun qəbul etməyə hazırlaşırıq. Avropa ölkələrinin çoxunun qəbul etmədiyi “Diffamasiya haqında” qanunun hazırlanması prosesi gedir. Azərbaycan dünyanın ən tolerant ölkələrindən biri hesab olunur. Burada müxtəlif dini konfessiyalar birgə fəaliyyət göstərirlər. Vicdan azadlığı Konstitusiya ilə təsbit olunub. Biz Avropaya inteqrasiya istiqamətində nə lazımdırsa edirik. Lakin bəzən bir sıra beynəlxalq qurumlar bizdən Avropanın özündə qəbul olunmayan addımlar atmağı tələb edirlər. Əlbəttə ki, bu yolverilməzdir”.
MM sədri onu da əlavə edib ki, Dağlıq Qarabağ problemi regionun hərtərəfli inkişafına və Avropaya inteqrasiya proseslərinə böyük maneçilik törədir. Münaqişənin həllinin yubanması Avropa təhlükəsizlik arxitekturasını da təhdid edir. 
Nümayəndə heyətinin rəhbəri Luka Volonte Azərbaycanda keçirdikləri görüşlərdən və aparılan danışıqlardan razı qaldıqlarını söyləyib. 

Bənzər mövzular

“Qarabağ” futbol klubu Azərbaycanın informasiya raketinin daşıyıcısıdır
Şamaxının millət vəkili daha bir məktəbi şagirdlərə hədiyyə etdi
Millət vəkili Elxan Süleymanovun təşəbbüsü və dəstəyi ilə inşa olunan Qaraman kənd məktəbinin açılışı oldu
Millət vəkili Elxan Süleymanov yüksək balla ali məktəbə qəbul olunan məzunları təbrik edib